1. AMAIA SAN JOSE TARDAGUILA
HAUSNARKETA PERTSONALA
Hezkuntzari aplikaturiko teknologia berrien
ikasgaiarekin gauza ezberdin asko ikasi ditudala esan
beharra daukat. Hasiera batetan, ikasgaiarekin hasi
baino lehenago, arlo honekiko gauza batzuk ikasteko
aukera izango nuela pentsatzen nuen; teknologia
berriek gaur egun duten eragina, eskoletan
erabiltzen diren metodologiak, baliabideak, etab.
Eta orain, ikasgaiarekin amaitu ostean, gai hauen
inguruan hausnartzeko aukera izan dudala aipatu beharra daukat.
Argi dago, teknologia berriek aurrerapen handia suposatu dutela, gero eta gehiago hitz
egiten da gai honen inguruan. Eta arlo askotan nabaritzen da honen eragina eta
presentzia, eta nola ez, hezkuntza ere bai.
Teknologia berriek gaur egun izugarrizko eragina dute, bai helduengan baita haur eta
gazteengan. Gure kasuan, bereziki haurren kasua aztertu dugu eta egia esan,
abantaila eta desabantaila dezente aurki daitezkeela ohartu naiz. Nire ustez,
teknologia berriek eskaintzen dizkiguten aukerei etekina atera behar zaie. Baina aukera
hauek egoki landu behar dira, hau da, teknologia berriei erabilera egokia eman behar
zaie. Erabilera txarra emanez gero, kalte handiak sor daitezkeela ikus daiteke.
Ikasgai honetan hainbat arlo landu ditugu, lan ezberdinak burutu ditugu, baina gure
kasuan bereziki IKTak eskoletan eta Ciberbullyingaren inguruan hausnartzeko aukera
izan dugu.
IKTak eskoletan gaiarekin, esperientziak elkarbanatzeko aukera paregabea izan dela
iruditzen zait. Gure artean elkarrizketak eta eztabaidak izan ondoren, ideia asko atera
dira (metodologia mota ezberdinak, baliabideak, etab). Azken finean, etorkizun batean
irakasle izango gara eta ateratako informazioa oso baliagarria izan daitekeela uste dut.
Hori bai, argi izan behar dugu teknologia berriei erabilera egokia eman behar zaiela,
eta ez dela irakaslearen lana ordezkatuko duen gauza bat izango.
Ciberbullying lana ere, oso interesgarria izan dela iruditu zait. Egia esan, harrituta
geratu naiz teknologia berriek haurrengan duen eragin negatibo hau ikustean. Argi
dago teknologia berriekin bullying teknika berriak agertu direla (sare sozialen bidez,
sms-en bidez, blog-ak, chat-ak, etab.) eta hau ez bada bideratzen egoerak okerrera
egingo duela. Honetaz gain, teknologiak aldatuz eta berrituz doaz, eta honekin bullying
bide berriak agertuz joango dira. Beraz, era batean edo bestean, hau moztu beharra
dagoela argi dago.
2. Bukatzeko aipatu, orokorrean ikasgai hau oso interesgarria izan dela, gaiarekiko gauza
ezberdinak ikasteaz eta hausnartzeaz gain, blog-ak sortzen, slidesharearen bidez lanak
blogera igotzen, etab. ikasi dut. Eta guzti hau etorkizun batetarako oso erabilgarria izan
daitekeela uste dut.